在香港，數學一直是家長最關注的學習重點之一。不少媽媽喺育兒群組入面都問：「點解我個仔女到咗 K2，仲係要靠數手指先識加數？」「明明教過，數幾件物件都會錯？」
其實，小朋友唔係笨，只係佢哋嘅 「數感」 仲未建立好。
呢篇文章會由淺入深，為香港家長拆解：
- 咩係數感？
- 點解小朋友會「數極都錯」？
- 日常生活中可以點樣培養？
- 有冇專業方法或課程可以幫手？
什麼是「數感」？｜幼兒數感是什麼意思？
數感（Number Sense）係指小朋友對數字同數量嘅直覺理解能力。
簡單啲講，唔係淨係識背「1、2、3」，而係要明白「3」代表三件物件，例如三粒提子、三架車仔。佢哋唔只係識讀個數字，仲要理解背後意思。
數感係所有數學能力嘅基礎。冇數感，小朋友學加減乘除都會覺得混亂。
相關文章：【奧數是什麼】老師詳解奧數4個令小朋友更”聰明”的原因
為什麼小朋友成日數錯？｜香港學前教育常見問題
1. 課程節奏太快
好多家長會誤會，以為數錯就係唔專心。但其實係因為依家好多 K1 / K2 課程都提早教加減數。問題係：小朋友嘅腦部發展未必跟得上。佢哋仲未建立「數字＝數量」嘅概念，就要學加減，自然會覺得難、跟唔到、冇信心。
2. 分唔清重點
大人眼中好簡單：「睇圖數幾多支鉛筆」。但對小朋友嚟講，圖片有太多資訊。佢哋可能會留意到顏色（紅色？藍色？）、形狀（尖頭？圓頭？），甚至係背景圖案，而唔知你係想佢數支數量。
再加上有時數蘋果、有時數星星、有時數動物，冇一個固定邏輯，小朋友會更加混亂：「到底我要答咩先啱？」
3. 當數字係圖畫，未理解排序與數量
唔少小朋友學數字時，好似背歌咁：「1、2、3、4、5……」，但你一打亂個次序（例如：3、1、2），佢哋就唔識反應。
因為佢哋未理解「1 係最少、5 係比較多」，亦未明「1 跟住係 2，2 跟住係 3」。呢啲排序概念對後期加減運算好重要，冇建立好嘅話，只靠記憶，計數自然會錯。
因此，小朋友數錯，只係代表佢哋未真正掌握「數字背後代表咩意思」。家長應該做嘅，唔係要求佢哋即刻改正，而係幫佢哋建立數感、重新理解數量同數字嘅關係。
幼兒數感點樣培養？｜5個實用方法推介
培養數感第一步：從數字認知開始，唔急住學加減
培養數感第一步，唔係即刻教加數，而係令小朋友對數字產生熟悉感。
可以用兒歌、念口訣、圖卡等方式，輕鬆記住基本數字，例如：
「一二三四五，上山打老虎」
「六七八九十，打唔到老虎嘴」
重點唔係即刻識計數，而係讓數字變得親切、有趣、唔陌生，為之後理解打好基礎。
培養數感第二步：用實物操作，手口並用
實物係數感培養嘅核心工具，例如：
- 用積木、波子、餅乾實物去數：「一粒、兩粒、三粒」
- 教佢用手指幫助計數
透過「視覺 + 聽覺 + 觸覺」三重刺激，數量概念先至會鞏固。
培養數感第三步： 打好排序概念
唔少小朋友會覺得「1、3、2」同「1、2、3」都冇所謂，因為佢哋未明白數字係有順序。家長可以用簡單嘅角色扮演遊戲幫佢建立：
火車遊戲例子：
「1」係火車頭
「2」要跟住火車頭行
「3」係尾卡，最後先到
透過具體場景，小朋友自然會掌握到「排序」概念，為之後理解「數字大細」、「由少加上去」等打好基礎。
培養數感第四步： 從簡單加減開始，避免硬塞公式
好多家長會心急：「2 + 3 等於幾多呀？快啲背熟！」但小朋友根本未理解咩係「+」。正確做法係用實物去為小朋友解釋，例如有兩個波波，再加一個，一齊數變成三個
家長也可以加入情境故事，例如「Ben 有 2 塊餅，姐姐送多佢 1 塊，Ben 而家有幾多塊？」。這階段的小朋友並不適合硬背公式，而係從日常例子入手，先至可以建立真正嘅加減數感。
培養數感第五步：用教具加強數感觸感理解（蒙特梭利＋珠心算）
想幫小朋友打好數感，唔靠填工作紙，實體教具操作係最有效嘅方法之一。
唔少學校或興趣班會用以下工具幫助小朋友「摸住數字嚟學」：
– 數棒（Number Rods）
– 珠鏈、積木、圖卡
– 珠心算盤
呢啲教具背後其實都有一個共同原則：
由具體 → 抽象，令小朋友先理解「數量」，再慢慢掌握「數字」。
珠心算都可以訓練數感？
可以！只要教得啱，珠心算其實係非常有力嘅數感訓練工具：
- 小朋友會透過眼睛睇珠、手指撥珠，理解加減運算嘅實際過程
- 學識點樣「數幾多就撥幾多」，唔再靠死背答案
- 當進階咗，仲可以訓練心算能力、理解位值（十位、百位）
特別適合鍾意用手操作、唔鍾意長時間聽書／操練嘅小朋友。
家長常問 FAQ｜破解數學迷思
Q1：成日數手指係咪唔掂？
👉 唔係。數手指係正常過程，證明佢哋仲需要實體協助，家長唔使太擔心。
Q2：數錯係咪因為懶？
👉 絕對唔係。通常係未建立到數量對應，要用多啲實物練習。
Q3：幾歲應該識加數？
👉 香港學童一般在K2-K3便可以熟悉10以內的加數。
想更有系統咁提升小朋友數感？Kidemy 為你推薦優質珠心算課程
Data Sir 珠心算課程包括了50堂精心設計的珠心算課，結合了珠心算基本知識和心算考試12級（最初級）至六級的內容。除了基礎教學，每一堂課都附帶一段閃算練習和四段聽算練習等多種練習方式。這些練習有助於培養孩子們的專注力，提升他們在視覺、聽覺、手部和心智方面的能力，讓學習變得更有趣的同時，也能提高學習效果。
現在購買課程的學生將獲得所有課程所需的教材支持，包括算盤、題目練習冊和WhatsApp 問書服務。另外，還會附送12堂奧數思維課程（價值$2400）培養學生的邏輯思維和解決問題的能力，為他們提供更全面的數學思維訓練。
