升小面試一直係香港家長非常關注嘅大事，特別係每年8月至10月，都係各大直資同私立小學嘅面試高峰期。好多學校都會安排小朋友做故事分享，作為觀察語言能力、表達技巧同自信心嘅重要環節。到底應該點樣幫小朋友揀一本合適嘅圖書，先至可以喺面試入面加分？今次同大家分享幾個選書方向同面試貼士，希望幫到準備升小面試嘅家長。
為何「故事分享」係面試關鍵？
好多家長都會問：「點解學校要小朋友講故事？」其實，校長同老師想透過呢個環節觀察幾方面：
- 小朋友嘅語言組織能力
- 佢哋對書本內容嘅理解同投入程度
- 有冇養成閱讀習慣
- 面對問題時嘅臨場應變能力
所以，揀一本適合嘅書，唔單止可以幫小朋友表現更加自然，仲可以突顯佢哋嘅性格同學習態度。
相關文章：【小一面試班邊間好？】2025年升小面試100條常見問題
三大類適合升小面試的故事書
1. 傳統語言故事
呢類故事簡單明快，容易喺短時間內講到重點，好適合年紀較細嘅小朋友。不過要留意，唔好揀《灰姑娘》、《白雪公主》呢啲太過熱門嘅故事，因為老師聽得多，反而難突顯小朋友嘅特色。不妨揀一啲比較少見，但結構清晰嘅民間故事，例如《小馬過河》。
2. 名人傳記故事
如果小朋友本身對科學、藝術或者歷史有興趣，傳記類圖書係一個好選擇。好似有小朋友分享愛迪生發明電燈嘅故事，當校長追問：「如果冇電，你會點解決？」佢就可以用自己嘅理解嚟延伸回答。呢種互動唔單止考驗知識，更顯示小朋友有冇批判思考。
3. 品格及德育教育故事
例如《哈利不要急》呢啲結合生活教育嘅繪本，圖畫吸引，內容又貼近日常生活，小朋友通常都好鍾意。呢類書可以引發小朋友思考，亦能夠展現佢哋對做人處事嘅睇法，非常適合面試場合。
相關文章：【小一面試失敗】名校面試止步的六大原因及全面應對策略
相關文章：【小一面試】9個家長最後準備必做事項！
選書三大原則
1. 小朋友真正喜歡
老師好容易睇得出小朋友係咪真心鍾意本書。如果佢哋話：「呢本書係媽媽逼我揀嘅。」分數即時會打折扣。所以，揀書時要聽小朋友意見，讓佢哋成為主導。
2. 內容貼近生活
如果故事同小朋友生活經驗完全無關，佢哋好難投入，講出嚟亦會比較生硬。選書時最好考慮到孩子日常生活可以聯繫到嘅情景。
3. 圖文比例適中
避免揀圖太多字太少，或者文字密密麻麻冇乜圖畫嘅書。一般嚟講，圖文比例 3:7 會比較理想，亦方便小朋友理解同表達。
面試選書陷阱：要避免的圖書類型
- 一分鐘故事書：內容太短，欠缺完整結構。
- 純圖像書：太多圖畫但冇文字，小朋友難以組織語言去講故事。
- 過度艱深嘅讀物：小朋友理解唔到，講出嚟好容易卡住。
家長小貼士
- 面試前可以同小朋友重複演練 故事，熟悉書本內容。
- 訓練小朋友回答延伸問題，例如「你最喜歡邊一個角色？點解？」
- 平日養成閱讀習慣，唔好淨係為咗面試先抱佛腳。
結語
升小面試嘅故事分享，最重要唔係「講得完美」，而係小朋友可以 自然流露興趣，展示閱讀同思考能力。家長可以根據以上三大類書籍方向同原則，幫小朋友揀一本最合適嘅圖書，令佢哋喺面試中更有自信。
如果你想進一步了解同準備升小面試相關嘅技巧，可以喺Kidemy 平台 搜尋相關課程，幫小朋友喺升學路上行得更穩更輕鬆。
