1. Home
  2. 親子好去處
  3. 【2022香港溜冰場】康城、又一城、圓方溜冰場重開後時間,價錢收費
【2022香港溜冰場】康城、又一城、圓方溜冰場重開後時間,價錢收費

【2022香港溜冰場】康城、又一城、圓方溜冰場重開後時間,價錢收費

0

事隔幾個月,香港溜冰場重開了。唔少家長都把握呢個機會帶小朋友放下電,同佢地去溜冰場玩下。依家就等Kidemy 幫你蒐集晒全港七大溜冰場嘅資料,一文睇清康城、又一城、圓方、太古、Megabox、愉景灣、西九龍中心溜冰場嘅開放時間,特色,價錢收費等。

2022溜冰場重開

雖然疫情高峰已過,但係而家溜冰場仲保留住某些防疫措施,各位家長同小朋友去玩嘅時候記得多加留意。

實施人數管制,入場人士不多於溜冰場可容納人數的一半或以上
由於可容納人數減少,所以溜冰場劃起部份時段為溜冰課堂時段,並不接受公眾入場,所以需要瀏覽溜冰場之官方網頁,了解公眾時段之入場時間
凡進入溜冰場之人士必須量度體溫,確保體溫正常
凡進入溜冰場之人士必須佩戴口罩
凡於過去14 天內曾離開香港之人士或與曾離港之人士的密切接觸者,不可進入溜冰場
如有任何出現呼吸道感染病徵,不可進入溜冰場
必須遵守禁止羣組聚集規例,不得多於16人羣組聚集及與其他羣組或他人保持1.5米社交距離
每日定時消毒客人可觸及的位置

康城溜冰場 – LOHAS Rink

康城溜冰場可以話係全港第二大嘅溜冰場,佔地17,000尺。場地唔單止大,仲係首個採用最新節能科技嘅環保溜冰場。

康城溜冰場 – LOHAS Rink 服務及設施

可容納近百人的觀眾席
採用高性能及多變化的燈光及音響設施
磨鞋服務:LOHAS Rink特設溜冰鞋磨鞋服務,保持冰刀的鋒利狀態,讓顧客在場上發揮最精彩表現,玩得更盡興! 
冰上運動零售店:LOHAS Rink搜羅多款專業及業餘冰上運動裝備及產品,為顧客帶來全方位冰上娛樂體驗
符合國際冰球聯合會規格的球員席、記分席及受罰席 
溜冰輔助扶手、多功能活動室、電子儲物櫃、淋浴設施等

康城溜冰場 – LOHAS Rink 開放時間

星期一至星期日 10:00 – 22:00(部份時般為溜冰課堂時段,不接受公眾入場,詳情請瀏覽官方網頁)

康城溜冰場 – LOHAS Rink 收費

星期一至星期四$65;星期五$70;星期六及星期日$85

溜冰場
康城溜冰場 – LOHAS Rink

又一城溜冰場 – 歡天雪地

歡天雪地溜冰場佔地12,000尺,位於九龍又一城購物中心裏。地理位置方便,距離九龍塘港鐵站C出口只有短短幾分鐘路程,適合冇揸車嘅家長帶佢哋嘅小朋友嚟玩。但要留意嘅係,因為商場地理位置方便,所以都會比較多人去。

又一城溜冰場- 歡天雪地服務及設施

又一城歡天雪地溜冰商店 Inside Edge: 為客人提供優質的溜冰用品,包括MK及JW溜冰刀、SP Teri、Harlick及Don Jackson溜冰鞋及其他服務。
又一城歡天雪地溜冰學校: 提供一系列多元化及有系統的培訓課程,目的是切合不同程度的溜冰人士的需要。
儲物櫃租用: 可在售票處購買價值港幣10元的代幣。
溜冰輔助扶手

又一城溜冰場- 歡天雪地開放時間

星期一至星期五 10:45 – 21:00;星期六 09:30 – 22:00;星期日 08:30 – 22:00(部份時般為溜冰課堂時段,不接受公眾入場,詳情請瀏覽官方網頁)

又一城溜冰場- 歡天雪地收費

收費:星期一至星期五 $70;星期六及星期日 $90

溜冰場
又一城歡天雪地溜冰商店 Inside Edge: 為客人提供優質的溜冰用品,包括MK及JW溜冰刀、SP Teri、Harlick及Don Jackson溜冰鞋及其他服務。

圓方溜冰場 The Rink

圓方溜冰場 The Rink佔地 9900尺,係香港首個溜冰場採用以分鐘收費概念嘅溜冰場。只會係你真係溜冰嘅時間先收你錢,如果你係喺場邊休息則不作收費。家長只係想同小朋友短時間溜冰嘅話,圓方溜冰場就好適合你地,但係如果想溜長時間嘅話,咁The Rink 收費就會較其他高。 初次溜冰嘅小朋友仲可以用企鵝、海豹、小熊同埋海豚造型嘅輔助扶手。

圓方溜冰場 The Rink 服務及設施

自動八達通入閘系統
儲物櫃總共150多個
1,700 對溜冰鞋提供租用服務
扶手租賃
公眾區觀賞區

圓方溜冰場 The Rink開放時間

星期一至星期日 10:00 – 22:30(部份時般為溜冰課堂時段,不接受公眾入場,詳情請瀏覽官方網頁)

圓方溜冰場 The Rink收費

$20入場費,另加$1/分鐘(星期一至星期四);$1.5/分鐘(星期五至星期日)

溜冰場
初次溜冰嘅小朋友仲可以用企鵝、海豹、小熊同埋海豚造型嘅輔助扶手。

太古溜冰場 Ice Palace

太古溜冰場 Ice Palace 雖然唔大,佔地只有8600尺,但係作為港島區唯一嘅溜冰場,而且係2020年全面翻身,採用左環保製冷劑並更新音樂系統及燈光設備。相信溜冰嘅體驗會較其他溜冰場高。

太古溜冰場 Ice Palace服務及設施

全面翻新的太古城中心冰上皇宮: 全新規劃的音響和燈光設備,營造全面升級的感官視聽體驗。
全港首個溜冰鞋自助服務櫃
日租和月租的電子儲物櫃
伸展及活動室
多元化溜冰及培訓課程的溜冰學校

太古溜冰場 Ice Palace開放時間

星期一至星期五 09:30 – 22:00;星期六 09:00 – 22:00;星期日 09:00 – 20:00(部份時般為溜冰課堂時段,不接受公眾入場,詳情請瀏覽官方網頁)

太古溜冰場 Ice Palace收費

星期一至星期四$70;星期五$75;星期六及星期日$95

溜冰場
太古溜冰場 – Ice Palace

愉景灣溜冰場 DB Ice Rink

愉景灣溜冰場係香港最新最大嘅溜冰場。溜冰場喺2021年剛剛開幕,佔地17,000尺。三歲以上嘅小朋友就可以入場溜冰,本來仲提供可愛嘅溜冰輔助扶手,而且收費亦都係非常便宜,閑日只需要$60,星期六日都係需要$80

愉景灣溜冰場 DB Ice Rink服務及設施

溜冰輔助扶手
儲物櫃租用
淋浴設施

愉景灣溜冰場 DB Ice Rink開放時間

星期一至星期五 10:00 – 23:00;星期六 10:00 – 22:30;星期日 10:00 – 21:30(部份時般為溜冰課堂時段,不接受公眾入場,詳情請瀏覽官方網頁)

愉景灣溜冰場 DB Ice Rink收費

星期一至星期五 $60;星期六及星期日 $80

溜冰場
愉景灣溜冰場 – DB Ice Rink

Megabox 溜冰場 Mega Ice

MegaBox溜冰場雖然地理位置唔係話太方便,但係佔地16,000尺,係全香港第三大嘅溜冰場。而且溜冰場更設有大型落地玻璃,溜冰嘅時候可以睇到維多利亞港嘅景色,都真係幾享受㗎。而且11歲以下嘅小朋友仲可以免費連同大人一齊入場。Megabox 仲可以用嚟舉辦表演、音樂會、展覽會、私人活動同生日會等

MegaBox溜冰場服務及設施

可以舉辦表演、音樂會、展覽會、公眾或私人活動、生日聚會等活動。
30米高落地大玻璃窗可飽覽維多利亞港的景色
多元化溜冰及培訓課程

MegaBox溜冰場開放時間

星期一至星期五 10:30 – 23:30;星期六及星期日 10:00 – 23:59(部份時般為溜冰課堂時段,不接受公眾入場,詳情請瀏覽官方網頁)

MegaBox溜冰場收費

星期一至星期五$60;星期六及星期日$80

溜冰場
全香港第三大的溜冰場 – Megabox 溜冰場 Mega Ice

西九龍中心溜冰場 -飛龍冰上樂園

飛龍冰上樂園位於西九龍中心8樓,開業已經快10年。

西九龍中心溜冰場 -飛龍冰上樂園服務及設施

儲物櫃租用
溜冰學校

西九龍中心溜冰場 -飛龍冰上樂園開放時間

星期一 10:30 – 20:00;星期二 10:30 – 21:30;星期三 10:30 – 21:00;星期四 10:30 – 19:30;星期五 10:30 – 20:00;星期六 10:30 – 21:00;星期日 10:30 – 18:00(部份時般為溜冰課堂時段,不接受公眾入場,詳情請瀏覽官方網頁)

西九龍中心溜冰場 -飛龍冰上樂園收費

星期一至星期日 $80

溜冰場
西九龍中心溜冰場 -飛龍冰上樂園